काठमाडौं । नेपाल स्टक एक्चेञ्ज (नेप्से)मा विभिन्न ६ कम्पनीको सेयर सुचिकृत भएको छ । नेप्सेमा मंगलबार १ करोड ९७ लाख ५९ हजार ४ सय ८९ कित्ता सेयर सूचीकृत भएको हो ।
मंगलबार नेप्सेमा बैंक अफ काठमाण्डूको संस्थापक सेयर सँगै अन्य पाँच कम्पनी को सेयर सूचीकृत भएको हो । सुचिकृत हुने कम्पनीहरुमा बैंक अफ काठमाण्डू, आरएसडिसी लघुवित्त वित्तीय संस्था,छिमेक लघुवित्त विकास बैंक,आइसिएफसी फाइनान्स, आइसिएफसी फाइनान्स, स्वदेशी लघुवित्त वित्तीय संस्था रहेका छन् ।
बैंक अफ काठमाण्डूको ६१ लाख ५८ हजार ६७ कित्ता संस्थापक सेयर र आइसिएफसी फाइनान्सको ८ लाख ३ हजार ८ सय ८५ कित्ता, स्वदेशी लघुवित्त वित्तीय संस्थाको १ लाख ५० हजार कित्ता बोनस सेयर र सोल्टी होटलको पनि ८६ लाख ८८ हजार २ सय ४४ कित्ता बोनस सेयर सूचीकृत भएको छ ।
आरएसडिसी लघुवित्त वित्तीय संस्थाको २३ लाख कित्ता हकप्रद सेयर सूचीकृत भएको छ । छिमेक लघुवित्त विकास बैंकको १६ लाख ५९ हजार २ सय ९३ कित्ता बोनस सेयर पनि सूचीकृत भएको छ।
२०७४ माघ २३ गते प्रकाशित
वि.सं.२०७४ माघ २३ मंगलवार १९:२० मा प्रकाशित
