काठमाडौं। सेञ्चुरी कमर्सियल बैंकले नयाँ बर्षदेखि लागू हुने गरि तुलसीराम गौतमलाई प्रमुख कार्यकारी अधिकृत नियुक्त गरेको छ । गौतमले चार बर्ष माछापुच्छ्रे बैंकको प्रमुख कार्यकारी अधिकृत भएर काम गरेका थिए। त्यसपछि उनी दुई बर्षभन्दा केही बढि समय खाली रहे। सेञ्चुरी बैंकले बैशाख १९ गतेबाट लागू हुने गरि उनलाई प्रमुख कार्यकारी बनाएको हो।
यसअघि बैंकले अनिल शाहलाई प्रमुख कार्यकारी नियुक्त गरेको थियो तर बैंक र शाहबीच तलव सुविधामा कुरा नमिलेको कारण शाह बैंक हाजिर नभइ नियुक्ति खारेज गरिएको थियो । शाहले नबिल बैंकको जागिर पाएपछि सेञ्चुरी बैंकको करार तोडेको पनि आरोप लाग्ने गरेको छ।
अर्थशास्त्रमा स्नातक गौतम मार्केटिङ र फाइनान्समा एमबीएसमेत गरेका छन् । उनीसँग १० वर्ष नेपाल एसबिआइ बैंकमा काम गरेको अनुभव छ। ३६ वर्षअघि नेपाल बैंकबाट सेवा सुरु गरेका उनले तत्कालिन नेपाल इन्डोसेज बैंक छाडेर एसबिआइ गएका थिए। एसबिआइबाट माछुपुच्छ्रे बैंक गएका थिए।
वि.सं.२०७४ चैत १ बिहीवार १२:३३ मा प्रकाशित