नुवाकोट । नुवाकोटको ककनीमा केन्द्रिय कार्यालय रहेको आशा लघुवित्तले ७ करोड रुपैँयाको हकप्रद निष्काशन गर्ने भएको छ । कम्पनीले ११ बराबर १ को अनुपातमा ७ लाख कित्ता हकप्रद जारी गर्न लागेको हो ।
लघुवित्तको केन्द्रीय कार्यालय ककनीमा शनिबार सम्पन्न विशेष साधारणसभाले चुक्ता पूँजी ७ करोड रुपैयाँ बराबरको ७ लाख कित्ता हकप्रद जारी गर्ने निर्णय गरेको हो । प्रस्तावित हकप्रद पश्चात कम्पनीको चुक्ता पूँजी १४ करोड रुपैयाँ पुग्नेछ ।
विशेष साधारण सभाले हाल कायम रहेको १० करोड रुपैयाँ अधिकृत तथा जारी पूँजीलाई वृद्धि गरी २० करोड रुपैयाँ पुर्याउने निर्णय समेत गरेको छ । फागुन मसान्तसम्ममा संस्थाको २८ हजार ५३५ ग्राहक सदस्य पुगेको छ ।
२३ जिल्लामा ३६ वटा शाखा कार्यालयहरु रहेको कम्पनीले एक अर्ब एक करोड ४६ लाख ३१ हजार रुपैयाँ कर्जा लगानी तथा १८ करोड दुई लाख ९५ हजार रुपैयाँ बचत संकलन गरेको छ ।
२०७४ चैत १९ गते प्रकाशित ।
वि.सं.२०७४ चैत १९ सोमवार ०९:५४ मा प्रकाशित
