काठमाडौं । नेपाल इन्सुरेन्सको १०० प्रतिशत हकप्रद सेयरमा मूल्य समायोजन भएको छ । बोनस समायोजनपछि यो इन्सुेन्सको सेयर भाउ प्रतिकित्ता ५०३ रुपैयाँ कायम भएको छ । नेप्सेका अनुसार हकप्रद सेयर समायोजन पश्चात कम्पनीको प्रतिकित्ता सेयरमूल्य ५०३ रुपैयाँ कायम भएको छ । जसको आधारमूल्य ६९४.२५ रुपैयाँ रहेको छ ।
हकप्रद निष्कासनका लागि नेपाल इन्सुरेन्सले चैत २२ गते बुक क्लोज गरेको हो । कम्पनीले वैशाख ५ गतेदेखि १ः१ अनुपातमा ३० लाख १९ हजार ८८६.१० कित्ता हकप्रद सेयर बिक्री गर्न लागेको छ ।
हकप्रदपछि चुक्ता पुँजी ६० करोड ३९ लाख ७७ हजार २२० रुपैयाँ पुग्नेछ । कम्पनीले यस पुँजीमा २.२६ प्रतिशत बोनस सेयर दिने घोषणा पनि गरिसकेको छ । यता, कम्पनीले वैशाख १२ गते वार्षिक साधारण सभा बोलाएको छ । सभामा १०० प्रतिशत हकप्रद बिक्रीपछि कायम पुँजीमा फेरि ६५ प्रतिशत हकप्रद जारी गर्ने प्रस्ताव पेश हुँदैछ । यसपछि भने पुँजी १ अर्ब १ करोड ९१ लाख ३ हजार ८६३ रुपैयाँ पुग्नेछ ।
२०७४ चैत २५ गते प्रकाशित
वि.सं.२०७४ चैत २५ आइतवार १२:०२ मा प्रकाशित
