ललितपुर , ललितपुरको जावालाखेलमा न्यू जावालाखेल तेक्वान्दो डोजाङले एक कार्यक्रमको अयोजना गरी ३५ प्रशिक्षार्थीहरुको ग्रेडिङ सम्पन्न गरेको छ । शनिवार सम्पन्न उक्त ग्रेडिङ कार्यक्रममा प्रमुख अतिथिको रुपमा र्राष्ट्रिय तथा अन्तर्राष्ट्रिय खेलाडी यान कुमारी चौलागाईंको उपस्थिती रहेको थियो ।
यस्तै डोजाङ्ग प्रमुख थानेश्वर दर्लामी मगर, डोजाङ्गका उपाध्यक्ष निरोज गौतमका साथैं अन्य विशिष्ठ अतिथीहरुको उपस्थितीकोबीच ग्रेडिङ परिक्षा सम्पन्न भएको क्लबले जनाएको छ ।
उक्त ग्रेडिङ्ग परिक्षामा प्रशिक्षक सबिन नगरकोटी र सहायक प्रशिक्षकको रुपमा निशा दर्नाल,अर्जुन मोक्तान,सोनी लामाहरुको उपस्थिती रहेको थियो । उनीहरुकै उपस्थितिमा डोजाङ्गका ३५ खेलाडीको पेटी परिवर्तन गरेको हो । परिक्षामा सहभागी खेलाडीहरुमा सेतो पेटी,पहेलो पेटी,पहेलो हरियो,हरियो,हरियो निलो,निलो,निलो रातो रहेको क्लबले जनाएको छ।
यस्तै, सो परीक्षामा उर्तीण खेलाडीहरुलाई र्राष्ट्रिय तथा अन्तर्राष्ट्रिय खेलाडी यान कुमारी चौलागाईंले प्रमाणपत्र वितरण गर्नुभएको हो ।
न्यू जावलाखेल तेक्वान्दो डोजाङमा दर्जनभन्दा बढी मेडल विजेता खेलाडीहरु रहेका छन्।
क्लबले तेक्वान्दो खेलमा आफ्नो उत्कृष्ठ खेल प्रदर्शन गर्दै विभिन्न पदक समेत हात पार्दै आएको छ । यसका अलवा क्लवले सामाजिक क्षेत्रमा समेत सक्रियता जनाउँदै आएको छ।
२०७५ साउन १४ गते प्रकाशित
वि.सं.२०७५ साउन १४ सोमवार ११:१० मा प्रकाशित