काठमाडौं । सिभिल बैंक लिमिटेडले आर्थिक वर्ष २०७४/७५को चौथो त्रैमासको वित्तीय विवरण सार्वजनिक गरेको छ । बैंकले ६४.५० करोड रुपियाँ खुद मुनाफा आर्जन गर्न सफल भएको छ जुन गत वर्षको तुलनामा ८५.२० प्रतिशतको फड्को हो ।
त्यसैगरी बैंकको रिएल स्टेट कर्जा गत आर्थिक वर्षको तुलनामा ३.३९ प्रतिशले घटेर १ अर्व ४३ करोड रुपियाँ भएको छ भने आवास कर्जा ३१.७८ प्रतिशले बृद्धि भएको छ ।
बैैंकले विदेशी विनिमय कारोबारबाट मात्रै १६.९१ करोड रुपियाँ आम्दानी गरेको छ जुन गत वर्षको तुलनामा ७०.६७ प्रतिशतले बृद्धि भएको छ ।
बैंकले गत आर्थिक वर्षको तुलनामा निक्षेपमा १६.८८ प्रतिशतले बृद्धि गरी ४० अर्ब १ करोड रुपियाँ संकलन गरेको छ भने कर्जा प्रवाह गत आर्थिक वर्षको तुलनामा ३३.७१ प्रतिशतले बृद्धि गरी ३९ अर्ब ४६ करोड रुपियाँ पुगेको छ । बैंकको खराब कर्जा अनुपात पनि ३.९८ प्रतिशतबाट घटेर २.६५ प्रतिशत भएको छ ।
बैंकले गत आर्थिक वर्षको तुलनामा कर्जा प्रवाहमा गरेको बृद्धि रकम ९ अर्व ९४ करोड रुपियाँ तथा खुद मुनाफामा गरेको बृद्धि रकम २९करोड ६७ लाख रुपियाँ हो, जुन केही पुराना तथा ठूला बैंकहरु भन्दा पनि बढीे छ ।
आर्थिक वर्ष२ ०७४/७५को मसान्तसम्म २५०,००० (दुई पचास हजार) भन्दा बढी ग्राहकहरु रहेको सिभिल बैंकको कुल शाखा संख्या ६८ पुगेकोे छ ।
आर्थिक वर्ष २०७४/७५को प्रमुख सुचकांकहरुको तुलनात्मक विवरण
२०७५ साउन ३० गते प्रकाशित
वि.सं.२०७५ साउन ३० बुधवार २१:५७ मा प्रकाशित
