काठमाण्डौं । सरकारले नियम मिचेर म्यानपावरमा छापा मारेको भन्दै गत फागुन २२ गतेदेखि अनिश्चित कालका लागि बन्द सबै म्यानपावरहरुले आजबाट आफ्नो आन्दोलनलाई अझ सशक्त बनाउने बताएका छन् ।
भिजा आएर श्रम स्वीकृति लिएकाहरुलाई एकसाताभित्र उडाउने घोषणा गरेको नेपाल वैदेशिक रोजगार संघले आजबाट भने आन्दोलनलाई अझ सशक्त बनाउने भन्दै श्रम स्वीकृति लिन श्रम कार्यालय नजान व्यवसायीहरुसँग आग्रह गरेको छ।
फागुन २१ गतेभन्दा अघि श्रम कार्यालयमा पेश भएका फाइलहरुको हकमा भने संघ आफैँले श्रम स्वीकृति ल्याइदिने बताएको छ। आन्दोलनताका पनि केही म्यानपावर कम्पनीहरुले भित्रिभित्रै काम गरेपछि संघले कडाइ गरेको हो । उपत्यकामा अहिले ६ सय २५ भन्दा बढी म्यानपावर छन्।
२७ फागुन २०७२, ११.००
वि.सं.२०७२ फागुन २८ शुक्रवार १२:१६ मा प्रकाशित
