काठमाडौं । नेपाल राष्ट्र बैंकले दशैंका लागि असोज २१ देखि असोज २९ गतेसम्म नयाँ नोट साट्ने व्यवस्था मिलाउने भएको छ । दशैंमा सर्वसाधारणले ५, १०, २० र ५० दरका २–२ पाकेट तथा १ सय दरको १ पाकेट नोट साट्न सक्नेछन् । राष्ट्र बैंकका अनुसार १ जना व्यक्तिले २७ हजार रुपैयाँसम्म नयाँ नोट सटही गर्न पाउनेछन् ।
राष्ट्र बैंकको मुद्रा व्यवस्थापन विभाग, उपत्यका बाहिरका विराटनगर,जनकपुर, वीरगन्ज, पोखरा, सिद्धार्थनगर, नेपालगन्ज तथा धनगढी कार्यालयबाट नयाँ नोट साँट्न पाइनेछ । यसैगरी, सरकारी स्वामित्वका नेपाल बैंक, कृषि विकास बैंक र राष्ट्रिय बाणिज्य बैंकका तोकिएका कार्यालयबाट पनि नयाँ नोट सटही गर्न सकिनेछ ।
२०७५ असोज ११ गते प्रकाशित
वि.सं.२०७५ असोज ११ बिहीवार १२:३८ मा प्रकाशित