काठमाडौं । दसैंलाई लक्षित गरी व्यवसायीले छिमेकी मुलुक भारत र नेपालका बिभिन्न जिल्लाबाट ५० हजार खसीबोका भेडाच्याङग्रा उपत्याकामा भित्र्याइँदै छ । व्यवसायीले भारतबाट करिब ४० हजार र बिभिन्न जिल्लाबाट १० हजार खसीबोका भेडाच्याङग्रा ल्याउन लागेको चौपाया खरिद–बिक्री सेवा संघको भनाइ छ ।
दसैंमा मासुको खपत उच्च हुने भएकाले स्वदेशी उत्पादनले नथेगेपछि ४० हजार खसीबोका भारतबाट ल्याउन लागिएको हो । त्यसैगरी बिभिन्न जिल्लाबाट पनि १० हजारको हाराहारीमा खसीबोका भेडाच्याङग्रा ल्याउन लागिएको हो । दसैंमा करिव ५५ करोड रुपैयाँ बराबरको खसीबोका भेडाच्याङ्गाको किनबेच हुने अनुमान गरिएको छ । दर्सैमा सहरी क्षेत्रमा खसी–बोका, भेडाच्याङग्रासहित राँगा, कखुरा, बंगुरको मासुको खपत उच्च हुने भएकाले त्यसको लागि गाउँगाउँबाट पशु ल्याइदै छ ।
व्यवसायीले उदयपुर, सिन्धुली, खोटाङ, सिराहा, सल्यान, दाङ, कैलाली, जाजरकोट लगायत जिल्लाबाट पनि खसी–बोका ल्याउँदै छन् । नेपाल खाद्य संस्थानले करिव चार करोड रुपैयाँका भेडाच्यांग्रा खरिद गरेर ल्याउँदै छ उपभोक्तालाई स्वस्थ्य र सस्तोमा मासु खुवाउने व्यवस्था मिलाउन विभिन्न जिल्लाबाट भेडाच्याङग्रा र खसी–बोका ल्याउन लागिएको संस्थानले जनाएको छ ।
२०७५ असोज १२ गते प्रकाशित
वि.सं.२०७५ असोज १२ शुक्रवार १०:०६ मा प्रकाशित