काठमाडौं । लगानीकर्ताहरु सेयर बेचेर दसैंका लागि पैसाको जोहो गर्न थालेका छन् । त्यसैले सेयर बजार केही तल झरेको ब्रोकरको भनाइ छ ।
दशैंतिहार जस्ता महत्वपूर्ण चाडपर्व नजिकिएकाले पनि कतिपयले खर्च जोहो गर्न सेयर बेच्ने गरेको एक ब्रोकरले बताए । त्यसैको असर साताको पहिलो दिन आइतबार पर्न गयो । नेप्से सूचक आइतबार १०.४७ अंकले घट्यो । उक्त दिन १२५६.७१ विन्दुमा आइपुगेको छ ।
केही अल्पकालीन लगानीकर्ताले भने सेयर बजार थोरै बढ्दा बेच्ने र नाफा बुक गर्ने गर्छन् । घटेको बेला सेयर किनेका लगानीकर्ताले नाफा बुक गर्न खोज्दा पनि सेयर बजार आइतबार ओरालो लागेको बिज्ञहरुको भनाइ छ ।
पुँजी बजारमा अल्पकालीन कारोबारी हावी हुने गर्छ । छोटो समयमा राम्रै नाफा कमाएकाहरुले बिक्री गर्दा सेयर बजार ओरालो लाग्न पुगेको बिज्ञहरुको भनाइ छ । विगत वर्षमा पनि दसैतिहारको बीचमा सेयर बजार सुस्ताउने गरेको थियो । अहिले पनि त्यही अवस्था आएको ब्रोकरको छ । यसले पनि बजारमा सामान्य प्रभाव परेको अनुमान छ । तर, बैंक तथा वित्तीय संस्थाले धमाधम लाभांशको घोषणा गर्न थालेको र दुई महिनाभित्रै अनलाइन सेवा सुरु हुने, सेयर धितोमा बैंकहरुले कर्जा दिन थालेको, बैंकले ब्याजदर घटाउँदै गएको कारण पनि सेयर बजारमा सुधार आउने अपेक्षा गरिएको लगानीकर्ताको भनाइ छ ।
२०७५ असोज १५ गते प्रकाशित
वि.सं.२०७५ असोज १५ सोमवार ११:४४ मा प्रकाशित