काठमाडौं । नेप्सेले सूर्योदय लघुवित्तको ४२.७५ प्रतिशत बोनस पश्चात प्रतिकित्ता एक हजार एक रुपैयाँ पाँच पैसामा शेयरमूल्य समायोजन गरेको छ । सोमबार यही समायोजित मूल्यलाई आधार मानेर सूर्योदयको सेयर कारोबार खुलेको छ । कम्पनीको औसत आधार मूल्य भने ८७९ रुपैयाँ ३२ पैसा छ ।
सूर्योदयले ४२.७५ प्रतिशत बोनस सेयर र कर तिर्न २.२५ प्रतिशत नगद लाभांश प्रस्ताव पारित गर्न पुस ७ गते वार्षिक साधारण सभा बोलाएको छ । यसका लागि सोमबार बुक क्लोज भएको हो । साधारण सभामा सेयर वितरणपछि कायम हुने १० करोड ७९ लाख १९ हजार रुपैयाँ चुक्ता पुँजीको ५० प्रतिशत हकप्रद जारी गर्ने प्रस्ताव पनि पेश हुनेछ ।
सूर्योदयले चालु आर्थिक वर्षको पहिलो त्रैमासमा ५५ लाख ४५ हजार रुपैयाँ खुद नाफा कमाएको छ । प्रस्तावित बोनसपछि चुक्ता पुँजी १० करोड ७९ लाख १९ हजार रपैयाँ छ । ५० प्रतिशत हकप्रदपछि भने यसको चुक्ता पुँजी १६ करोड १८ लाख ७८ हजार ५०० रुपैयाँ पुग्नेछ ।
२०७५ मंसिर २४ गते प्रकाशित
वि.सं.२०७५ मंसिर २४ सोमवार १२:०२ मा प्रकाशित
