काठमाडौं । नेपाल राष्ट्र बैंकले पाँच हजार भन्दा धेरै अमेरिकी डलर सट्न अनिवार्य रूपमा प्यान नम्बर हुनु पर्ने व्यवस्था गरेको छ । राष्ट्र बैंकले आइतबार बैंक तथा वित्तीय संस्थालाई परिपत्र जारी गर्दै यस्तो व्यवस्था गरेको हो ।
शिक्षा, आप्रवाशन र स्वास्थ्य प्रयोजनका लागि ५ हजार अमेरिकी डलरभन्दा बढी रकम सटही गर्दा अनिवार्य रुपमा प्यान लिनुपर्ने व्यवस्था परिपत्रमा उल्लेख गरेको छ । तर, यस्तो प्यान सम्बन्धित व्यक्तिको नभई उसको एकाघर परिवारका सदस्यमध्ये आमा वा बुबामध्ये कोही एक जनाको भएपनि हुने छ ।
राष्ट्र बैंकले ट्राभल एजेन्सी, ट्रेकिङ एजेन्सी, कार्गो कुरियर एजेन्ट, होटललगायतका संस्थाहरुले विदेशबाट ‘रिप्याट्रियसन’ लिनुपर्ने रकम विदेशी मुद्रा कारोबार भएको १५ दिनभित्र अनिवार्य रुपमा ल्याइसक्नु पर्ने पनि व्यवस्था गरेको छ । यस्तो विवरण त्रैमासक सकिएको १५ दिनभित्र राष्ट्र बैंकमा अनिवार्य पेश गर्न पनि परिपत्रमा उल्लेख गरेको छ ।
२०७५ पौष ७ गते प्रकाशित
वि.सं.२०७५ माघ ७ सोमवार १२:०० मा प्रकाशित
