काठमाडौं । नेपाल राष्ट्र बैंक र बैंक वित्तीय संस्थाहरूबाट प्रवद्र्घित नेपाल क्लियरिङ्ग हाउसले संचालनमा ल्याएको कनेक्ट आइपिएस इ–पेमेन्ट प्रणालीमा कारोबार गर्ने बैकहरूमा हिमालयन बैंक आवद्ध भएको छ । अब हिमालयन बैंकका ग्राहकहरूले पनि यस प्रणाली मार्फत विभिन्न अनलाइन भुक्तानी कारोबारहरू गर्न सक्नेछन् ।
यस प्रणालीमा बैंकका ग्राहकले आफूलाई एक पटक आवद्ध गरी आफ्नो बैंक खातालाई लिंक गराई सेवा प्राप्त गर्न सक्ने छन् । हालयस प्रणाली मार्फत नेपाल सरकारको राजस्व भुक्तानी, लोकसेवा आयोगको भुक्तानी, रकम ट्रान्सफर, क्रेडिट कार्ड बिलभुक्तानी, मोबाइल वालेटमा फण्ड लोड, सेयर ब्रोकरलाई भुक्तानीे लगायतमा अन्य सेवाप्रदायकहरूलाई भुक्तानी गर्न सकिने व्यवस्था छ ।
यो प्रणाली सेवाप्रदायकहरूको पोर्टलमा पेमेन्ट प्रोसेसरको (गेटवे) का रूपमासमेत जडान गरीएको छ । ग्राहकहरूले कनेक्ट आइपिएस छनौट गरी भुक्तानी गर्न सक्ने व्यवस्था रहेको छ ।
२०७६ जेठ २४ गते प्रकाशित
वि.सं.२०७६ जेठ २३ बिहीवार १३:३२ मा प्रकाशित