काठमाडौं । कामना सेवा विकास बैंकले ९.५ प्रतिशत लाभांश प्रस्ताव पारित गरेको छ । असार १४ गते शनिबार सम्पन्न साधारणसभाले शेयरधनीहरुलाई ८ बैंकले सेयरधनीलाई चुक्ता पुजीको ८ प्रतिशत नगद र १.५ प्रतिशत बोनस सेयर गरी कुल ९.५ प्रतिशत लाभांश दिएको हो । कामनाले नगद लाभांशमा २० करोड २ लाख १२ हजार ४४१ रुपैयाँ र बोनस सेयरमा ३ करोड ७५ लाख ३९ हजार ८३२ रुपैयाँ खर्च गरेको छ ।
आर्थिक वर्ष २०७४/०७५ को मुनाफाबाट सञ्चालक समितिले प्रस्ताव गरेको २० करोड २ लाख १२ हजार ४४१ रुपैयाँ नगद लाभांश र ३ करोड ७५ लाख ३९ हजार ८३२ रुपैयाँ बराबरको शेयर लाभांश उक्त साधारण सभाले अनुमोदन गरेको हो। हाल बैंकको चुक्ता पुजी २ अर्ब ५० करोड २६ लाख ५५ हजार ५१९ रुपैयाँ छ । बोनसपछि २ अर्ब ५४ करोड १ लाख ९५ हजार ३५१ रुपैयाँ पुगेको छ ।
२०७६ असार १५ गते प्रकाशित
वि.सं.२०७६ असार १५ आइतवार ११:१६ मा प्रकाशित