काठमाडौं । आइ.एम.ई. ग्रुप अन्तर्गत संचालित आइएमई मोटर्स प्रा.लि. द्वारा प्रवद्र्धित अशोक लेलैण्डले २० थान Lynx Smart बस हस्तान्तरण गरेको छ । धेरै प्रतीक्षा पछि वातावरणमैत्री यूरो–४ मापदण्डको वातावरणमैत्री यूरो–४ मापदण्डका बस नेपालमा बिक्रि वितरणको सुरुवातका साथै एक कार्यक्रम मार्फत साझा यातायात लाई हस्तान्तरण गरेको हो ।
Lynx Smart बसमा धेरै अद्वितीय विशेषताहरु डिजाइन गरिएका छन्, जो आधुनिक टेक्नोलोजिद्घारा डिजाइन र प्रमाणित गरिएको हो । साथै अनिवार्य मापदण्डहरु भन्दा अतिरिक्त सुरक्षा प्रदान गर्ने बताइएको छ । Lynx Smart को विशेषताको रुपमा इन्जिनमा एक समकालीन –४ सिलिण्डर CRS डीजल, जुन EGR टेक्नोलोजीसंग टर्बो चार्ज गरिएको इन्टरकुलर पाईन्छ र अधिकतम ९०० मिमी फ्लोर उचाइ, १३० एचपी (९५ kW) को अधिकतम शक्ति @ 2400 rpm, सेमी इलिप्टिकल मल्टिलिफ साथै शक अब्जर्बर (अगाडी र पछि), ११५ लिटर ईन्धन टैंक क्षमता रहेको छ ।
ऐतिहासिक रुपमा, अशोक लेलैण्डले नयाँ, यात्री मैत्री बस सफलतापूर्वक वितरण गरिरहेको छ । यो गाडी केवल अपरेटर र यात्री अनुकूल हुनुका साथै पैदल यात्रीको सुरक्षा तथा विशेष रुपमा डिजाइन गरिएको कारणले चालक मैत्री समेत रहने दाबि गरिएको छ ।
हिन्दुजा ग्रुप अन्तर्गत अशोक लेलैण्ड भारतीय उत्पादक कम्पनी हो जसको भारतको चेन्नाईमा मुख्यालय रहेको छ । अशोक लेलैण्ड १९४८ मा स्थापित व्यवसायीक वाहनमा भारतको दोश्रो ठूलो उत्पादक कम्पनी हो । साथै ट्रक टिपर उत्पादकमा विश्वको बाह्रौं ठूलो उत्पादक हो । अशोक लेलैण्डमा यात्री परिवहनको १८ सिट देखि ८० सिट क्षमताका विभिन्न बसहरु रहेका छन् । बसको बजारमा ठूला पकड रहेको छ । अशोक लेलैण्डको मालवहाकवर्गमा २.५ टन देखि ४९ टन सम्मका विकल्पहरु उपलब्ध छन् । नेपालमा उपलब्ध अशोक लेलैण्डका गाडीहरु ट्रक/टिपर, बस, साना तथा मझौला व्यवसायिक गाडीहरु, डिफेन्स प्रयोजन लगायत अन्य विशेष गाडीहरु रहेका छन् ।
आइएमई मोटर्स प्रा. लि. नेपालका लागि अशोक लेलैण्ड कमर्सियल गाडीहरुको आधिकारिक बिक्रेता हो । नेपाल भरि आफ्ना शाखा तथा डिलरका सेल्स, सर्भिस र पार्ट्स नेटवर्क मार्फत आइएमई मोटर्सले ग्राहकहरुलाई सजिलो र सुलभ तरिका ले सेवा प्रबाह गर्दै आएको छ । युवा, सक्षम र उर्जावान जनशक्तिका साथमा आइएमई मोटर्स प्रा लि नेपालमा महत्वपुर्ण अटोमोबाइल कम्पनीको रुपमा अगाडी बढीरहेको छ ।
२०७६ असार १७ गते प्रकाशित
वि.सं.२०७६ असार १७ मंगलवार १३:५१ मा प्रकाशित
