काठमाडौं । समृद्धिको लागि सिभिल बैंक भन्ने नारा सहित अगाडी बढी रहेको सिभिल बैंक अब आइएसओ ९००१ : २०१५ प्रमाणित बैंक बन्न सफल भएको छ । आज सिभिल बैंकको सिभिल ट्रेड सेन्टर, सुन्धारास्थित कर्पोरेट अफिसमा आयोजित एक कार्यक्रमका बीच आइएसओ ९००१ : २०१५ को प्रमाणपत्रको आधिकारिक संस्था युनाइटेड रजिस्टर सिस्टम (युआरएस) नेपाल प्रतिनिधि प्रकाश पौडेलले सिभिल बैंकका प्रमुख कार्यकारी अधिकृत गोविन्द गुरुङलाई प्रदान गर्नुभयो ।
आइएसओ ९००१ : २०१५ प्रमाणपत्र कुनै पनि संस्थाले आफ्नोसेवा र सुबिधालाई ग्राहक केन्द्रित बनाउन परिस्कृत गर्दै अनवरत रुपमा अन्तरास्ट्रियस्तरको सेवा तथा सुबिधाहरु प्रदान गर्दा पाइने गुणस्तरको प्रमाणीकरण हो र त्यस संस्थाले नियमनकारी निकायहरुद्वारा जारी गरिएको सबै नियम तथा कानुनहरुको पालना गरिएको प्रमाणीकरण पनि हो ।
सिभिल बैंकका प्रमुख कार्यकारी अधिकृत गोविन्द गुरुङले आइएसओ ९००१ : २०१५ प्रमाणीकरणसंगै आगामी दिनहरुमा ग्राहकमैत्री सेवा तथा सुविधाहरु ग्राहकहरुकै चाहना अनुरुप आधुनिक डिजिटल बैंकिंगका प्रोडक्टहरु ल्याउने कुरा जनाउनु भयो ।
सिभिल बैङ्कका अध्यक्ष ई.इच्छा राज तामाङले अब सिभिल बैंकको सेवा तथा सुविधाहरु ग्राहकहरु केन्द्रित छन् र नियमनकारी निकाय हरुको सबै नियमहरुको पालना गरि अगाडी बढी रहेको संस्था भएको पुस्टि भएको र आगामी दिनहरुमा ग्राहकहरु कै सेवा मा केन्द्रित भएर अगाडी बढ्ने कुरा बताउनु भयो ।
अध्यक्ष तामाङले अव आउने मौद्रिक नीतिलाई अंगिकार गरेर मर्जरमा जाने बताउनुभयो । उहाँले केही बैंकहरुसंग कुरा अगाडी बढेको बताउँदै आफुभन्दा बलियो र गुडविल भएको बैंकसंग मर्जर गर्ने बताउनुभयो । अध्यक्ष तामाङले सेयर मार्केटमा असर पर्ने भएकाले कुन बैंकसंग मर्जर अगाडी बढेको बताउन चाहनुभएन् । उहाँले स्वाप रेसियो भन्दा पनि वर्किङ कल्चर मिल्नेसंग मर्जरमा जाँदा संस्थाको भविष्य राम्रो हुने र सेयर धनि तथा ग्राहकलाई फाइदा पुग्ने बताउनुभयो ।
२०७६ साउन २ गते प्रकाशित
वि.सं.२०७६ साउन २ बिहीवार १९:१४ मा प्रकाशित
