काठमाडौं । अर्थमन्त्री युवराज खतिवडाले देशको औद्योगिकरणको लागि एसेम्ब्ली प्लान्ट राख्नुपर्ने बताउनुभएको छ ।
राजधानीमा नाडा अटो शोको उद्घाटन गर्दै अर्थमन्त्री खतिवडाले आयातित सवारीबाट आम्दानी बढाउनुभन्दा एसेम्बल्ड प्लान्ट राखेर देशमै उत्पादन थाल्नुपर्ने बताउनुभएको हो ।
सरकारले विद्युतीय गाडीको एसेम्बल प्लान्टलाई प्राथमिकतामा राखेको भन्दै आयातित सवारीलाई कम गर्न देशभित्रै गाडीको उत्पादन थाल्नुपर्ने धारणा व्यक्त गर्नुभयो ।
अर्थमन्त्रीले सार्वजनिक सवारीसाधन विद्युतीय बनाइने बाँकी सवारी साधन हाइब्रिडमा लाने बताउनुभयो ।
२०७६ भदौ १० गते प्रकाशित
वि.सं.२०७६ भदौ १० मंगलवार १४:४३ मा प्रकाशित
