काठमाडौं । मेगा बैंक र एफवान सफ्ट इन्टरनेशनलबीच ‘क्वीक भुक्तानी’ सेवा प्रयोगका लागि सम्झौता भएको छ ।
‘क्वीक भुक्तानी’ नामक नेपालकै नवीनत्तम अनलाइन इन्भ्वाइस डिस्काउन्टिङ (Invoice Discounting)तथा रिभर्स फ्याक्टरिङ प्लाटफर्म (Reverse Factoring Platform) युके एडको एक्सेस टू फाइनान्स कार्यक्रम (सक्षम)सँगको साझेदारीमा एफवान सफ्ट इन्टरनेशनलले तयार पारेको हो ।
सम्झौता अनुसार, मेगा बैंकले आफ्ना ग्राहकलाई यस प्लाटफर्ममार्फत इन्भ्वाइस डिस्काउन्टिङको सेवा उपलब्ध गराउने छ भने एफवान सफ्टले त्यसको व्यवस्थापन तथा प्राविधिक सहयोग गर्नेछ ।
अब विभिन्न प्रकारका सामान तथा सेवा उपलब्ध गराउने आपूर्तिकर्ता अथवा सप्लायरहरु, क्रेता कम्पनीले यस प्लाटफर्म प्रयोग गरी तुरुन्तै मेगा बैंकबाट भुक्तानी लिन सक्नेछन् ।
सप्लायरले क्रेता कम्पनीलाई सामान उपलब्ध गराइसकेपछि यो प्लाटफर्म प्रयोग गरी सामानको बिल बराबरको रकम तुरुन्तै बैंकबाट भुक्तानीको व्यवस्था मिलाइएको छ ।
यसले सप्लायरलाई बिलको रकम तुरुन्त भुक्तानीको सुविधा प्रदान गर्दछ भने क्रेता कम्पनीलाई आफ्नो चालु पूँजी व्यवस्थापन गर्न मद्दत मिल्नेछ ।
बैंक, क्रेता कम्पनी र सप्लायरहरु एकैसाथ आवद्ध हुनसक्ने यस अनलाइन प्लाटफर्मबाट मेगा बैंकका ग्राहक लाभान्वित हुने बैंकले जनाएको छ ।
२०७६ भदौ १६ गते प्रकाशित
वि.सं.२०७६ भदौ १६ सोमवार १७:०५ मा प्रकाशित
