काठमाडौं । लगातार उकालो लाग्दै आएको सुनको मूल्यमा बिहीवार भने सामान्य गिरावट आएको छ । नेपाल सुनचाँदी व्यावसायी महासंघका अनुसार छापावाला र तेजाबी सुनको मूल्य प्रतितोला रू. १०० ले घटेको छ ।
नेपाली बजारमा छापावाला सुनको मूल्य रू.७३ हजार ४०० कायम भएको महासंघले बताएको छ । बुधवार छापावाला सुनको मूल्य प्रतितोला रू.७३ हजार ५०० मा कारोबार भएको थियो ।
त्यस्तै तेजाबी सुनको मूल्य प्रतितोला रू. ७३ हजार १०० निर्धारण गरिएको महासंघले बताएको छ । बुधवार तेजाबी सुन रू.७३ हजार २०० मा कारोबार भएको थियो ।
सुनको मूल्य सामान्य घटेपनि चाँदीको मूल्य भने यथावत रहेको छ । स्थानीय बजारमा बिहीवार चाँदीको मूल्य प्रतितोला रू.९४० मा कारोबार भइरहेको छ ।
२०७६ भदौ १९ गते प्रकाशित
वि.सं.२०७६ भदौ १९ बिहीवार १२:१९ मा प्रकाशित
