काठमाडौं । नेपाल राष्ट्र बैंकले यस वर्षको दशैंमा खुद्रा र सुकिला नोटको लागि १८ हजार ५०० रुपैयाँको मात्रै सटही सुविधा दिने भएको छ ।
गत वर्षको दशैंमा प्रति व्यक्ति २७ हजार रुपैयाँको सटही सुविधा दिएकोमा यस वर्षमा १८ हजार ५०० मा सीमित गरिएको राष्ट्र बैंकले जनाएको छ ।
सरकारी स्वामित्वका तीन बैंकले गरी उपत्यका भित्रका तीन २५ क्षेत्र बाट नगद सटही सुविधा राखेको जानकारी गराएका छन्। राष्ट्रिय वाणिज्य बैंकले १० क्षेत्रबाट सटही सुविधा दिने भएको छ ।
त्यस्तै नेपाल बैंकले आठ र कृषि विकास बैंकले ६ क्षेत्रबाट र राष्ट्र बैंकले बालुवाटरबाट पनि सटही सुविधा दिने जानकारी गराएको छ ।
बिहीबारदेखि सात दिनका लागि सटही सुविधा राखेको नेपाल राष्ट्र बैंकले जनाएको छ। सर्वसाधरणले ५, १०, २० ५० र १०० दरका नोट गरी अधिकतम १८ हजार ५०० साट्न पाउने छन ।
निजीस्तरको बैंकले पनि आफ्ना ग्राहकलाई सटही सुविधा दिएका छन । राष्ट्र बैंकले नोट सटहीको सूचनासँगै नोटमा कलर गर्ने वा केरमेट गर्नेलाई कानुनी कारवाही हुने स्मरण गराएको छ ।
राष्ट्र बैंकबाट निकालिएको विज्ञप्तिमा भनिएको छ, ’रंग लगाउने, लेख्ने, केरमेट गरे प्रचलित कानुनअनुसार कारवाही हुनेछ ।’
२०७६ असोज ०८ गते प्रकाशित
वि.सं.२०७६ असोज ८ बुधवार १६:३४ मा प्रकाशित
