काठमाडौं । सामुदायिक विद्यालयमा कार्यरत बाल विकास र निजीस्रोत शिक्षकलाई प्रोत्साहन भत्ता दिने भएको छ । कञ्चनपुरको बेलौरी नगरपालिकाले उक्त भत्ता दिने भएको हो ।
सामुदायिक विद्यालयमा कार्यरत बाल विकास शिक्षिका र निजी स्रोतमा कार्यरत शिक्षक/शिक्षिकका न्युन पारिश्रमिकमा काम गर्दै आएकाले उनीहरुको प्रकृति हेरी वार्षिक रुपमा एकमुष्ट १२ हजार रुपैयाँ प्रोत्साहन भत्ता दिने नगर प्रमुख पोतिलाल चौधरीले बताउनुभयो ।
सामुदायिक विद्यालयको शैक्षिक गुणस्तर वृद्धिमा महत्वपुर्ण भुमिका निर्वाह गरिरहेको भएपनि अधिकांश विद्यालयहरुमा अति न्युन पारिश्रमिकमा कार्यरत शिक्षक/शिक्षिकालाई स्थानीय सरकारका तर्फबाट प्रोत्साहन भत्ता स्वरुप एकमुष्ट उपलव्ध गराउने गरी चालु आर्थिक वर्ष २०७६–७७ को बजेटमा रकम विनियोजन गरिएको नगर प्रमुख चौधरीले जानकारी दिनुभयो ।
२०७६ कात्तिक ०२ गते प्रकाशित
वि.सं.२०७६ कात्तिक २ शनिवार ११:०६ मा प्रकाशित
