काठमाडौं । नेपाल प्रहरीले ०७६ साउन २६ मा चुस्ता, कटन सर्ट, कटन पाइन्ट, उलन सर्ट, डीएमएस बुट, उनल स्वीटरसहित १४ किसिमका सामान खरिदको लागि गरेको टेन्डर रद्द हुने भएको छ ।
अख्तियार दुरुपयोग अनुसन्धान आयोगले नेपाल प्रहरीले विगत २ वर्षयता गरेको ३ अर्ब रुपैयाँ बराबरका खरिदका सबै फाइल झिकाएर अनुसन्धान गरेपछि पछिल्लो पटक ५१ करोड बराबरको टेन्डर रद्द गर्ने निर्णयमा प्रहरीको प्रबन्ध निर्देशनालय पुगेको आजको साँघु साप्ताहिकमा खबर छ ।
स्रोतका अनुसार अख्तियारले २ वर्षअघिको फाइल समेत अनुसन्धान गर्न थालेपछि साउन २६ मा भएको टेन्टर रद्द गर्ने तयारीमा प्रहरीका प्रबन्धक अधिकारी पुगेका छन ।
प्रहरीले करिब ५१ करोडको बन्दोबस्तीका सामान खरिदका क्रममा २० करोडभन्दा बढी अनियमितता गर्न लागेको भन्ने उजुरी अख्तियारदेखि गृहमन्त्रालयमा पुगेको स्रोत बताउँछ ।
२०७६ कात्तिक १८ गते प्रकाशित
वि.सं.२०७६ कात्तिक १८ सोमवार १०:३६ मा प्रकाशित
