काठमाडौं । बूढीगण्डकी प्रभावित गोरखा र धादिङका बासिन्दाले मुआब्जा निर्धारणमा ढिलाइ भएको भन्दै आन्दोलन घोषणा गरेका छन ।
मुआब्जा तोक्न अल्टिमेटम दिएका उनीहरूले माग पूरा नभएपछि सोमबार आरूघाट बजार बन्द गरेका थिए । सोमबार नै उनीहरूले थप आन्दोलनका कार्यक्रम सार्वजनिक गरेका हुन ।
मंसिर ५ र ६ गते गोरखा र धादिङ जिल्ला प्रशासन कार्यालय घेराउ गर्ने, मंसिर ९ गते बूढीगण्डकी जलविद्युत आयोजनाको कार्यालय घेर्नेलगायत कार्यक्रम घोषणा गरिएको हो ।
आन्दोलनलाई जनप्रतिनिधिले पनि साथ दिएका छन । पटकरपटक आग्रह गर्दा पनि गोरखातर्फ आरूघाट र आर्खेत तथा धादिङ खहरे बजारको मुआब्जा निर्धारण नभएको प्रभावितहरूको गुनासो छ ।
जिल्ला प्रशासन कार्यालयले जमिनको मुआब्जा कति दिने निर्धारण गर्छ । बूढीगण्डकी सरोकार समिति विशालनगरका अध्यक्ष दिनेश ढकालका अनुसार मुआब्जा तोक्न दबाब दिन आन्दोलन सुरू गरिएको हो ।
१२ सय मेगावाट क्षमताको बन्ने बूढीगण्डकी जलविद्युत आयोजनाले गोरखातर्फ १४ र धादिङतर्फ १३ साविक गाविस प्रभावित हुनेछन। आयोजना निर्माणका लागि पेट्रोलमा कर लिइँदै आए पनि मुआब्जा वितरणका काम भने सुस्त छ ।
२०७६ मंसिर ०३ गते प्रकाशित
वि.सं.२०७६ मंसिर ३ मंगलवार १२:०२ मा प्रकाशित
