काठमाडौं । भोलि मंसिर १० गते मंगलवारदेखि २० गतेसम्म १० दिन विद्यालय बन्द गर्ने निर्णय गरेको छ । महागढीमाई नगरपालिका–१ स्थित गढीमाईको मेलालाई लक्ष्य गरी १० दिन विद्यालय बन्द गर्ने निर्णय गरिएको हो ।
मेला भर्नका लागि नेपाल र भारतबाट आउने लाखौँ भक्तजनको सुविधाका लागि नगरभित्रका सबै सरकारी विद्यालय बन्द गर्ने निर्णय भएको नगर शिक्षा समितिका सदस्य परमहंस यादवले जानकारी दिए ।
समितिका संयोजक महागढीमाई नगरपालिका प्रमुख उपेन्द्र यादवको अध्यक्षतामा बसेको सो समितिको बैठकले मङ्सिर १० देखि २० गतेसम्म विद्यालय बन्द गर्ने निर्णय गरेको हो ।
मेला मङ्सिर ३० गतेसम्म चल्नेछ । पाँच वर्षमा लाग्ने गढीमाई मेलाको चहलपहल बढेको छ ।
२०७६ मंसिर ०६ गते प्रकाशित
वि.सं.२०७६ मंसिर ९ सोमवार १५:४७ मा प्रकाशित
