काठमाडौ । आर्थिक वर्ष सुरु भएको ५ महिनासम्म आधा दर्जन विकास बैंकले मात्र आफ्ना सेयरधनीलाई दिने लाभांश प्रस्ताव गरेका छन ।
संचालनमा रहेका २५ ओटा विकास बैंकहरुमध्ये हालसम्म आधा दर्जनले मात्रै लाभांश घोषणा गरेका हुन । गत आर्थिक वर्ष २०७५/०७६ को नाफाबाट लाभांश प्रस्ताव गर्नेमा सहयोगी विकास बैंक, कैलाश विकास बैंक, मुक्तिनाथ विकास बैंक, महालक्ष्मी विकास बैंक, गरिमा विकास बैंक र कामना सेवा विकास बैंक रहेका छन ।
यी मध्ये सबैभन्दा बढी लाभांश सहयोगी विकास बैंकले प्रस्ताव गरेको छ । सहयोगीले आफ्ना लगानीकर्ताहरुलाई १९.३० प्रतिशत नगद लाभांश प्रस्ताव गरेको छ ।
त्यसैगरी, घोषणा गरेका मध्य सबैभन्दा कम लाभांश कामना सेवाले ६.८० प्रतिशत मात्रै प्रस्ताव गरेको छ । अझै १९ ओटा विकास बैंकले लाभांश घोषणा गर्न बाँकी छ । कामना सेवा, महालक्ष्मी, कैलास, मुक्तिनाथ विकास र गरिमा विकास बैंक राष्ट्रिय स्तरका विकास बैंक हुन् ।
सहयोगी जनकपुरमा रहेको तीन जिल्ला कार्यक्षेत्र भएको विकास बैंक हो । सहयोगी विकासलाई सिटिजन्स बैंकले प्राप्ति गर्नका लागि समझदारी भइसकेको छ ।
यस्तै ज्योति, साइन रेसुङा, गरिमा, देव, सिन्धु, साहरा, नेपाल कम्युनिटी, गण्डकी, लुम्बीनी, सप्तकोसी, तिनाउ मिसन, ग्रिन, सालपा, साहरा, सिन्धु, कञ्चन, कर्पोरेट, मितेरी, एक्सेल, कर्णाली र नारायणी डेभलपमेन्टले भने लाभांस प्रस्ताव गरेका छैनन् ।
२०७६ मंसिर १९ गते प्रकाशित
वि.सं.२०७६ मंसिर १९ बिहीवार १६:३८ मा प्रकाशित
