काठमाडौं । लक्ष्मी लघुवित्त वित्तीय संस्थाले आठौँ वार्षिक साधारण सभा शुक्रबार (मंसिर २० गते) अग्रवाल भवन, कमलपोखरी, काठमाडौंमा बिहान ११ बजेबाट सुरु हुँदैछ ।
सभामा २६.३२ प्रतिशत लाभांश वितरण गर्ने प्रस्ताव पेश हुँदैछ । गत आर्थिक वर्षको नाफाबाट लक्ष्मीले १५ प्रतशित बोनस र ११.३२ प्रतिशत नगद वितरण गर्न लागेको हो ।
सभाले सर्वसाधारण सेयरधनीबाट प्रतिनिधित्व गर्ने २ जना सञ्चालकको निर्वाचन पनि गर्नेछ । प्रबन्धपत्र र नियमावलीमा संशोधन गर्ने एजेन्डा पनि छ ।
अन्य कुनै वित्तीय संस्थाहरु गाभ्न र गाभिन परेमा त्यसको सम्पुर्ण अख्तियारी सञ्चालक समितिलाई दिने प्रस्ताव पनि पेश हुनेछ । आर्थिक वर्ष २०७५–७६ को वासलात, नाफा–नोक्सान र नगद प्रवाहमाथि छलफल हुनेछ । आर्थिक वर्ष २०७६–७७ को लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि राखिएको छ ।
सभा प्रयोजनका लागी कम्पनीले मंसिर ११ गतेबाट आजसम्म बुक क्लोज गरेको छ । मंसिर १० गतेसम्म कायम सेयरधनीले लाभांश सुरक्षित गर्न सक्नेछन् ।
कम्पनीले चालु आर्थिक वर्षको पहिलो त्रैमासमा ३ करोड १७ लाख ६८ हजार रुपैयाँ खुद नाफा कमाएको छ । प्रतिसेयर आम्दानी ४५ रुपैयाँ ६६ पैसा (वार्षिक) रहेको लक्ष्मी लघुवित्तको प्रतिसेयर नेटवर्थ १७५ रुपैयाँ ५७ पैसा छ ।
२०७६ मंसिर २० गते प्रकाशित
वि.सं.२०७६ मंसिर २० शुक्रवार १०:१८ मा प्रकाशित
