काठमाडौं । बिदेशी संस्थाबाट सम्बन्धन लिएर नेपालमा सञ्चालित कलेजमा अध्यापन गर्ने शिक्षकको योग्यता तोकिएको छ । त्यस्ता कलेजमा अध्यापन गर्ने शिक्षक स्नातकोत्तर तहमा न्यूनतम् दोस्रो श्रेणीमा उत्तीर्ण हुनुपर्ने निर्धारण गरिएको छ ।
शिक्षा, विज्ञान तथा प्रविधि मन्त्रालयले विदेशी शिक्षण संस्थाको सम्बन्धमा उच्च शिक्षा सञ्चालन गर्ने सम्बन्धी निर्दे्शिका संशोधन गरेको छ । त्यो निर्देशिकामा शिक्षकको योग्यता प्रष्ट गरिएको छ ।
निर्देशिकामा स्नातकोत्तर तहका शैक्षिक कार्यक्रम सञ्चालन गर्ने त्यस्ता शिक्षण संस्थामा कम्तीमा एक जना शिक्षक विद्यावारिधी उपाधि हासिल गरेको हुनुपर्ने छ ।
मन्त्रालयमा उच्च शिक्षा हेर्ने सह–सचिव रामशरण साकोटाले योग्य र सक्षम जनशक्तिले अध्यापन गरेका गुणस्तर वृद्धि हुने भएकाले शिक्षको योग्यता किटान गरिएको बताउनु भयो ।
निर्देशिकाले इन्जिनियरिङ तथा सूचना प्रविधिका लागि पनि शिक्षकको योग्यता स्नातकोत्तर तोकेको छ । नर्सिङ कार्यक्रम संञ्चालन गर्ने शिक्षण संस्थामा २५ प्रतिशत शिक्षक स्नातकोत्तर हुनुपर्ने प्रष्ट गरेको छ । (गोरखापत्रबाट)
२०७६ पुस २१ गते प्रकाशित
वि.सं.२०७६ पुस २१ सोमवार ०८:५५ मा प्रकाशित
