काठमाडौं । एक हजार दरका ३१ वटा नक्कली नोटसहित काठमाडौंबाट दुइजना पक्राउ परेका छन् ।
काठमाडौं महानगरपालिका–१४ कलंकी चोकबाट आइतबार पक्राउ पर्नेमा बाराको निजगढका २७ वर्षीय अनुस थापा मगर र २२ वर्षीय रवि आले मगर रहेको प्रहरीले जनाएको छ ।
महानगरीय प्रहरी वृत्त कालिमाटीबाट खटिएको टोलीले उनीहरूलाई नक्कली नोटसहित पक्राउ गरेको हो । नोट र पक्राउ परेकाहरूबारे अनुसन्धान भइरहेको प्रहरीले जनाएको छ ।
बजारमा नक्कली नोट कारोबार गर्नेहरू बढेको हुनसक्ने भन्दै प्रहरीले सतर्कता बढाएको छ ।
२०७६ माघ ०५ गते प्रकाशित
वि.सं.२०७६ माघ ५ आइतवार १४:४० मा प्रकाशित
