काठमाडौं । साताको तेस्रो दिन सेयर बजार १२ अंक घटेको छ । बजार घटेर नेप्से परिसूचक १ हजार ३३७ अंकमा झरेको छ । बजार घटेपनि १ अर्ब ५७ करोड रुपैयाँ बराबरको ४९ लाख ४९ हजार कित्ता सेयर किनबेच भएको छ ।
सबैभन्दा बढी नेपाल इन्स्योरेन्स कम्पनी लिमिटेडको कारोबार भएको छ । नेपाल इन्स्योरेन्सको प्रतिकित्ता ४४९ मा १० करोड ७० लाख ३० हजार रुपैयाँ बराबरको सेयर कारोबार भएको छ ।
यस्तै नेको इन्स्योरेन्स कम्पनी लिमिटेडको ५७० रुपैयाँमा ६ करोड १३ लाख र नेपाल लाइफ इन्स्योरेन्स कम्पनीको १ हजार ११३ रुपैयाँमा ४ करोड ५२ लाख रुपैयाँको सेयर किनबेच भएको छ ।
मंगलबार विकास बैंक, वित्त, निर्जिवन र जीवन बीमा कम्पनीको परिसूचक बढेको छ । यस्तै बैंक, लघुवित्त, जलविद्युत, लघुवित्त, उत्पादन र म्युचअल फण्डको सेयर मूल्य घटेको छ ।
सर्पोट माइक्रोफाइनान्स, दिब्यश्वरी हाइड्रोपावर र नेसनल हाइड्रोपावर कम्पनीका लगानीकर्ताले कमाएका छन ।
वि.सं.२०७६ माघ २१ मंगलवार १५:३३ मा प्रकाशित
