काठमाडौं । नेपाल दूरसञ्चार कम्पनी र नबिल बैंक लिमिटेडबीच पेमेन्ट गेटवे सेवाका लागि सम्झौता भएको छ । नेपाल टेलिकमले आफ्नो १६औं वार्षिकोत्सवको अवसर पारेर नबिलसँग सो सम्झौता गरेको हो ।
सम्झौताअनुसार सेवाअन्तर्गत नेपाल टेलिकमका ग्राहकले टेलिकमको वेबसाइटमा रहेको कार्ड पेमेन्ट सुविधामार्फत सम्पूर्ण भिसा तथा मास्टरकार्ड प्रयोग गरी हाललाई पोस्टपेड तथा प्रिपेड मोबाइल रिचार्जरटपअप गर्न सक्नेछन् ।
यो सेवा नेपाल टेलिकमको मोबाइल एपमार्फत पनि उपलब्ध हुने बैंकको प्रेस विज्ञप्तिमा उल्लेख छ । नेपाल टेलिकमका प्रमुख व्यावसायिक अधिकृत भानुराज श्रेष्ठ तथा नबिल बैंकका प्रमुख बजार व्यवस्थापन अधिकृत विनयकुमार रेग्मीले उक्त सम्झौतामा हस्ताक्षर गरेका थिए ।
वि.सं.२०७६ माघ २४ शुक्रवार ०६:५१ मा प्रकाशित
