काठमाडौं । सडक विभागले पौने पाँच सय कर्मचारीको दरबन्दी थप गर्ने भएको छ । लामो समयदेखि कर्मचारी थप नगरिएका कारण प्राविधिक काममा समस्या परेको भन्दै विभागले तत्काल ४ सय ७४ कर्मचारी थप गर्ने पहल थालेको हो ।
विभागका उपमहानिर्देशक शिवहरी सापकोटाका अनुसार साबिकको दरबन्दी अनुसार काम गर्न र सडकको गुणस्तर कायम गर्न समस्या परेपछि प्राविधिक कर्मचारी थप गर्नुपर्ने अवस्था आएको हो ।
विभागले कर्मचारी थप गर्न गरेको प्रस्ताव संघीय मामला तथा सामान्य प्रशासन मन्त्रालयमा पुगेको छ । मन्त्रालयले विभागको अपेक्षाअनुसार कर्मचारीको दरबन्दी थपिदिने विभागका अधिकारीहरुको अपेक्षा छ । समाचार नागरिक दैनिकमा छापिएको छ ।
वि.सं.२०७६ माघ २८ मंगलवार ०७:०१ मा प्रकाशित
