धादिङ । राष्ट्रिय योजना आयोगका उपाध्यक्ष डाक्टर पुष्पराज कडेलले प्रस्तावित वुढीगण्डकी जलविद्युत आयोजनाको मुआव्जा छिमेकी जिल्ला संग एकरुपता नभएकोमा धादिङ जिल्लावासीले चित्त दुखाएको बताउनुभएको छ ।
गृह जिल्लाको उद्योग वाणिज्य संघले आयोजना गरेको सातौं उद्योग ,कृषि तथा पर्यटन महोत्सवमा जिल्लावासी किसानहरुले प्रदर्शनीमा राखेका कृषि उत्पादनमा उत्कृष्ठ किसानहरुलाई पुरस्कृत गर्दै उपाध्यक्ष कडेलले –‘ स्थानीयले मुआव्जामा चित्त नवुझाएका कारण वुढीगण्डकी आयोजना अलमल भए पनि यसै आर्थिक वर्षमा मुआव्जा विवाद समाधान भै योजना अगाडी वढने लक्ष्य रहेको बताउनुभयो । ’
जिल्ला उद्योग वाणिज्य संघले आयोजना गरेको ७ औं धादिङ महोत्सवमा कृषि प्रदर्शनीमा भाग लिएर पुरस्कृत किसानहरुलाई पुरस्कार तथा प्रमाण पत्र वितरण कार्यक्रममा उक्त कुरा बताउनुभएको हो ।
उपाध्यक्ष कडेलले वाग्मती बागमती प्रदेशका नागरिकको सरदर वार्षिकआय १९ सय डलर , कर्णालीका जनताको वार्षिक आय ६ सय ३७ डलर भएको र राजधानी नजिकै भएर पनि धादिङ जिल्लाका नागरिकको प्रतिव्यक्ति आय ६ सय ३० डलर मात्रै भएको आर्थिक समृद्धिका लागी उत्पादन र सडक निर्माणमै जोड दिएको जानकारी गराउनुभयो ।उपाध्यक्ष कडेलले जिल्लाका ३ गाउंपालिकाले कुनै पनि योजना माग्न समेत नआएको बताउनुभयो ।
कृषि मेलामा जिल्लाका २ सय ५४ जना किसानहरुले भाग लिएर नगदेवाली, तरकारीवाली, फलफुल खेती, अन्नवाली, माछापालन लगायतका ४३ जना किसानहरु पुरस्कृत भएका थिए ।
वि.सं.२०७६ फागुन ११ आइतवार ०६:३५ मा प्रकाशित
