काठमाडौं । आइतवार नेप्से कारोबार भएको दोस्रो घण्टामा ८ दशमलव शून्य ७ अंकले घटेर १ हजार ६२४ दशमलव १० विन्दुमा पुगेको छ ।
१ हजार ६३८ दशमलव ३७ विन्दुबाट शुरु भएको परिसूचक कारोबार शुरु भएको पहिलो ३ मिनेटमा बढेर १ हजार ६६७ दशमलव ७५ विन्दुसम्म पुगेको थियो । सो पछि ओरालो लागेको नेप्से कारोबारको यस अवधिमा शून्य दशमलव ४९ प्रतिशत घटेको हो ।
यस अवधिसम्म कारोबारमा आएका १२ समूहको परिसूचकमध्ये बैंकिङ र वित्त समूहको परिसूचक बढेको छ भने बाँकी १० समूहको परिसूचक घट्दा समग्र नेप्से घटेको हो । दोस्रो घण्टाको कारोबारमा १७४ ओटा कम्पनीको रू. २ अर्ब ४६ करोड बराबरको शेयर कारोबार भएको छ ।
यस अवधिमा ग्लोबल आइएमई बैंकको सर्वाधिक कारोबार भएको छ । उक्त बैंकको रू. १७ करोड १९ लाख बराबरको शेयर कारोबार भएको छ । सो समयमा बैंकको शेयर मूल्य रू. ३१५ मा कारोबार भइरहेको छ ।
कारोबार रकमकै आधारमा दोस्रोमा एनएमबि बैंकको रू. १६ करोड ९५ लाख बराबरको शेयर कारोबार भएको छ । सो समयमा बैंकको शेयर मूल्य रू. ५११ रहेको छ
वि.सं.२०७६ फागुन १८ आइतवार १३:०८ मा प्रकाशित