काठमाडौं । अबदेखि दैनिक घण्टा शेयर कारोबार हुने भएको छ । शेयर कारोबारको समय दैनिक १० देखि ३ बजेसम्म गरिनेभएको हो । शेयर कारोबारको समय दैनिक १ घण्टा बढाएर १० देखि ३ बजेसम्म गरिने भएको छ ।
अहिले ११ बजेदेखि ३ बजेसम्म कारोबार हुँदै आएको छ। नेपाल स्टक एक्सचेञ्ज (नेप्से)ले दैनिक ४ घण्टा सेयर कारोबार गर्दै आएको थियो । अब दैनिक ५ घन्टा सेयर कारोबार हुने भएको छ ।
शेयर बजारलाई नियमन गर्दै आएको नेपाल धितोपत्र बोर्डले दैनिक ४ घण्टा हुँदै आएको सेयर कारोबारलाई आगामी दिनमा ५ घण्टा पुर्याउने गरि काम गर्न नेप्सेलाई पत्राचार गरको छ ।
सेयर कारोबार समय दैनिक १ घण्टा बढाउन बोर्डले पत्र पठाएको नेप्सेका प्रमुख कार्यकारी अधिकृत चन्द्रसिंह साउदले जानकारी दिनुभयो ।दैनिक कारोबार समय बढाउनका लागि सिडिएससीको सफ्टवेयरमा परिमार्जन गर्नुपर्ने भएकाले केही समय लाग्ने जानकारी उहाँले बताउनुभयो ।
वि.सं.२०७६ फागुन १८ आइतवार १९:२० मा प्रकाशित