काठमाडौं । आइतवार नेप्से कारोबार भएको तेस्रो घण्टामा ३ दशमलव ५२ अंकले बढेको छ । कारोबार शुरु भएको पहिलो र दोस्रो घण्टमा घटेको नेप्से कारोबारको तेस्रो घण्टामा शून्य दशमलव २८ प्रतिशत बढेर १ हजार २७३ दशमलव १७ विन्दुमा पुगेको छ ।
यस अवधिसम्म १० ओटा समूहको परिसूचक कारोबारमा आएको छ । जसमध्ये होटल्स र विकास बैंक समूहको परिसूचक घटेको छ भने बाँकी ८ समूहको परिसूचक बढ्दा समग्र नेप्से बढेको हो । तेस्रो घण्टाको कारोबारमा ५३ ओटा कम्पनीको रू. ८० लाख ८७ हजार बराबरको शेयर कारोबार भएको छ ।
यस अवधिमा एनएमबि बैंकको सर्वाधिक कारोबार भएको छ । उक्त बैंकको रू. २० लाख ३० हजार बराबरको शेयर कारोबार भएको छ । सो समयमा बैंकको शेयर मूल्य रू. ३८६ मा कारोबार भइरहेको छ ।
कारोबार रकमकै आधारमा दोस्रोमा मुक्तिनाथ विकास बैंकको रू. ८ लाख २ हजार बराबरको शेयर कारोबार भएको छ । सो समयमा बैंकको शेयर मूल्य रू. ३०० रहेको छ ।
वि.सं.२०७६ चैत ९ आइतवार १४:०८ मा प्रकाशित