एजेन्सी । कोरोना भाइरसको संक्रमण फैलिन नदिन अहिले विश्वले एउटै मात्र तिकडम अपनाएको छ त्यो सामाजिक दूरी कायम गर्ने हो ।
यसबीच छिमेकी मुलुक भारतमा पनि २१ दिनका लागि पूरै देशभरी लकडाउनको घोषणा भएको छ ।
लकडाउनको माध्यमबाट सरकारले विभिन्न भेलाहरुमा रोक लगाई दिएको छ । तर सरकारको यति कडाईका साथ निर्देशन र जोखिमपूर्ण स्थितिमा पनि कतिले यसलाई गम्भीररुपमा लिएका छैनन् । भारतको पन्जाब राज्यमा एउटा यस्तै मामिला सामुन्ने आएको छ ।
पञ्जापमा विवाह गएर आएको मानिसहरुलाई प्रहरीले बाटोमा रोकेको छ । पञ्जावको गुरदासपुरमा बेहुला बेहुलीसहित २० जनाको जन्तीलाई प्रहरीले रोकेको छ ।
उत्तर जन्ती गुरदापुरदेखि होशियारपुर हुँदै लुधियाना जाँदै थियो । जन्तीमा गएको ६ ओटा गाडीलाई पनि प्रहरीले नियन्त्रणमा लिएको छ ।
प्रहरीले बेहुला बेहुलीसहित सम्पूर्ण २० जनामाथि मुद्दा दायर गरेको छ । सरकारको निर्देशनको अवज्ञा गरेको भन्दै पञ्जाब प्रहरीले ती २० जनामाथि मुद्दा दर्ता गराएको हो ।
वि.सं.२०७६ चैत १४ शुक्रवार १३:४५ मा प्रकाशित