काठमाण्डौं । निर्माण ब्यवसायीहरुले विभिन्न निर्माण कार्यकालागि निर्माण सामग्रीको अभाव भएको बताईरहंदा क्रसर उद्योगहरुले भने नवलपरासी जिल्लामा मात्रै रू.२ अर्ब भन्दा बढिको निर्माण सामग्री मौज्दात रहेको बताएका छन् । देश भरिको मौज्दात रहेको निर्माण सामग्रीको परिमाण एक खर्ब भन्दा बढि रहेको व्यायसायीहरुको भनाई छ । मौज्दात निर्माण सामग्री सरकारले भारत निकासी गर्न दिनु पर्ने माग पनि गरेका छन् ।
२ बर्ष देखि सरकारले यस्ता सामग्री निर्यातमा रोक लगाएका कारण जिल्लामा मात्रै रू. २ अर्बको निर्माण सामग्री मौज्दात रहेको क्रसर उद्योग ब्यवसायी सङ्घ नवलपरासीका अध्यक्ष चन्द्रमणी अधिकारीले बताए । २ बर्षको अवधिमा सो परिमाणको सामग्री मौज्दात रहेकोले सरकारले तत्काल निकासीको वातावरण बनाउनु पर्नेमा उनको जोड थियो । अन्यथा क्रसर घाटामा जाने निश्चित रहेको उनले बताए ।
जिल्लामा ३ लाख घनमिटर गिटी स्टक रहेको र उक्त सामग्रीको नेपालमा बजार नभएकाले आफूहरुको गिटी प्रयोग बिहीन बनेको ब्यवसायीको भनाई छ । भारतमा गिटी बेच्दा नेपालमा गिटी बालुवाको मूल्य बढ्छ भन्ने हल्लाकै कारण भारत गिटी निकासि नभएको भन्दै निकासि भए अझै नेपाली उपभोक्ताले सस्तोमा सामान पाउन सक्ने अधिकारीको दाबी छ ।
ब्यवसायीले सरकारसँग बिदेश निकासी वा स्वदेशमा नै पूर्ण उपभोग गर्न आग्रह गरेको क्रसर उद्योग महासङ्घका केन्द्रीय सदस्य सञ्जयगोबिन्द श्रेष्ठले बताए ।
प्रकाशितः २०७३ वैशाख ४
वि.सं.२०७३ वैशाख ४ शनिवार १३:३४ मा प्रकाशित
