काठमाडौं । प्रदेश–५ का मुख्यमन्त्री शंकर पोखरेलले वैशाख ३ सम्म धैर्य हुन सर्वसाधारणलाई आग्रह गरेका छन् । शुक्रबार सामाजिक सञ्जाल फेसबुकमार्फत् उहाँले वैशाख ३ गतेपछि सीमित मात्रामा ठाउँ हेरेर आवातजावात खोल्ने सकिने उल्लेख गर्नुभएको छ ।
‘३ गतेसम्म जो जहाँ छौं त्यहीँ बसौं, समस्या भए वडा कार्यालयमा खबर गरौं,’ मुख्यमन्त्रीले लेख्नुभएको छ, ‘३ गतेपछि सीमित मात्रामा ठाउँ हेरी आउजाउ खोल्न सकिन्छ ।’
यसअघि बिहीबार सरकारले गठन गरेको कोभिड–१९ रोकथाम तथा नियन्त्रण उच्चस्तरीय समन्वय समितिको अनौपचारिक बैठकले शुक्रबार र शनिबार दुई दिन काठमाडौंमा अलपत्र परेकालाई उद्धार गरी उनीहरूको गृह जिल्ला र्पुयाउने निर्णय गरेको थियो। पछि स्थानीय सरकारले नै असहमति जनाउँदा तत्काल त्यो निर्णय फिर्ता भयो।
वि.सं.२०७६ चैत २८ शुक्रवार १२:४२ मा प्रकाशित