काठमडौं । नेपाल कम्युनिष्ट पार्टी (नेकपा) उपाध्यक्ष वामदेव गौमतले प्रधानमन्त्री क.केपी ओली र आफुबीच भएका कुराकानीका सम्बन्धमा मनमौजी किसिमले टिकाटिप्पणी भएको बताउनुभएको छ ।
हिजो भएको पार्टीभित्र र पार्टी र सरकारका बीच, अनि अन्य पार्टी र सरकारका बीच उत्पन्न समस्या समाधान कसरी गर्ने भन्ने सम्बन्धमा भएको छलफलमा मनमौजी किसिमले टिकाटिप्पणी भएको बताउनुभएको हो ।
आइतवार एक हस्तलिखित विज्ञप्ति जारी गर्दै उपाध्क्ष गौतमले समय र परिस्थिति प्रतिकूल जारी अध्यादेशहरु खारेज गरिएपछि पनि अनेकौँ समस्या पार्टीभित्र उत्पन्न भएको बताउनुभएको छ ।
‘यी समस्या समाधान पार्टी र पार्टी कमिटीलाई बाइपास गरेर गरेर होइन, प्रधानमन्त्रीले प्रत्यक्ष छलफल गरेर र सबै किसिमका विचारहरुको सामना गरेर मात्र गर्न सकिन्छ । तसर्थ, सचिवालय, स्थायी कमिटी र आवश्यक परे केन्द्रीय कमिटीको बैठक बोलाउनुस् । सबभन्दा पहिले सचिवालय बैठक बोलाउन र सबै कमरेडहरुको सुझावलाई सम्मान गर्दै साझा प्रयत्नबाट समस्या समाधान गर्नोस् भनेर मैले प्रधानमन्त्रीलाई सुझाव दिएको हुँ, गौतमद्वारा जारी विज्ञप्तिमा उल्लेख छ ।’
हेर्नुहोस् विज्ञप्ति :
वि.सं.२०७७ वैशाख १४ आइतवार १२:०६ मा प्रकाशित
