काठमाडौं । सरकारी वकिलको कार्यालय, काठमाडौंले पनि सांसद डाक्टर सुरेन्द्र यादवको अपहरणको जाहेरी लिन अस्वीकार गरेको छ ।जाहेरी दिन सांसद यादवसहित जनता समाजवादी पार्टी, नेपालका शीर्ष नेताहरु सरकारी वकिल कार्यालय पुगेका थिए ।
मंगलबार बबरमहलस्थित सरकारी वकिल कार्यालयमा सांसद यादवलगायत जनता समाजवादीका शीर्ष नेताहरु उपेन्द्र यादव, राजेन्द्र महतो, शरदसिंह भण्डारी, राजेन्द्र श्रेष्ठ, केशव झालगायत जाहेरी लिएर पुगेका थिए ।
सरकारी वकिलको कार्यालयपनि जाहेरी लिन नमानेको अधिवक्ता डा. दिनेश त्रिपाठीले जानकारी दिए । यसअघि आइतबार सांसद यादवसहित जनता समाजवादीका शीर्ष नेता परिसरमा दुई घन्टा बसे पनि प्रहरीले जाहेरी लिन मानेको थिएन।
वि.सं.२०७७ वैशाख १६ मंगलवार १७:०३ मा प्रकाशित
