काठमाडौं । नेपाल कम्युनिष्ट पार्टी (नेकपा) अध्यक्ष तथा प्रधानमन्त्री केपी शर्मा ओलीले बुद्धिबहादुर रायमाझीको निधनप्रति शोक व्यक्त गर्नुभएको छ ।
मंगलबार शोक वक्तव्य जारी गर्दै प्रधानमन्त्री ओलीले आफूहरुले सँगै निरंकुश पञ्चायत व्यवस्था विरोधी संघर्षका क्रममा व्यतित गरेका दिनहरुलाई सम्झदै रायमाझीको निधनप्रति समबेदना व्यक्त गर्नुभएको हो ।
प्रधानमन्त्री ओलीको शोक वक्तव्यमा भनिएको छ, ‘नेपाल कम्युनिष्ट पार्टीका निष्ठावान कार्यकर्ता तथा मेरा मित्र बुद्धिबहादुर रायमाझीको भावपूर्ण श्रद्धासुमन अर्पण गर्दछु ।’
नेकपाका कार्यकर्ता रायमाझीको सोमबार (हिजो) मेडिसिटी अस्पतालमा ७० वर्षको उमेरमा निधन भएको थियो । उहाँ पञ्चायती व्यवस्थाविरुद्ध संघर्षका क्रममा अर्घखाँचीको चर्चित बर्रे संघर्षका योद्धा हुनुहुन्थ्यो । सोहीक्रममा उहाँले निरंकुशता विरोधी संघर्षका क्रममा १३ वर्ष लामो जेल जीवन व्यतित गर्नुभएको थियो ।
वि.सं.२०७७ वैशाख २३ मंगलवार १२:५४ मा प्रकाशित
