काठमाडौं । गृह मन्त्रालयले एक जिल्लाबाट अर्को जिल्लामा जाने गरी जारी भएका सबै सवारी पासहरु रद्द गरेको छ । नेपालमा कोरोना संक्रमितहरुको संख्या ह्वात्तै बढेसँगै गृह मन्त्रालयले मंगलबार दिउँसो यस्तो निर्णय गरेको हो ।
मंगलबार मात्रै थप ७४ जनामा कोरोना पुष्टि भएसँगै एक जिल्लाबाट अर्को जिल्लामा आवतरजावत गर्न थप कडाइ गरिएको हो । गृह मन्त्रालयको यस निर्णयलाई विहीबारदेखि लागू हुने जानकारी गराइएको छ ।
पत्रकारहरुको हकमा भने सूचना विभागको परिचय-पत्रको आधारमा आवतरजावत गर्न दिइने गृह मन्त्रालयले जानकारी गराएको छ ।
वि.सं.२०७७ वैशाख ३० मंगलवार १९:२३ मा प्रकाशित
