काठमाडौं । बारामा नयाँ कोरोना संक्रमित भेटिएका एक जना प्रहरी रहेको खुलेको छ। जिल्ला प्रहरी कार्यालय (जिप्रका)को मुद्दा शाखमा कार्यरत २८ वर्षीय प्रहरीलाई कोरोना संक्रमण पोजेटिभ देखिएको बारा प्रहरी प्रमुख एवं प्रहरी उपरीक्षक (एसपी) कृष्ण पंगेनीले जानकारी दिए।
“मुद्दा फाँटमा कार्यरत एक जनालाई कोरोनाको संक्रमण पोजेटिभ भएको जानकारी आएको छ,” पंगेनीले भने, “उनको सम्पर्कमा आएका करिव ३० जना कर्मचारीको स्वाब संकलन गरिँदैछ।”
रौतहट घर भएका ती प्रहरी लकडाउनको अवधिभर कार्यालयमै रहेको पंगेनीले जानकारी दिए। सहकर्मीलाई कोरोना संक्रमण देखिएपछि जिल्ला प्रहरी कार्यालय, बाराले उच्च सजगता अनपनाएको छ। कार्यस्थलमै रहेका सुरक्षाकर्मीलाई कोरोना संक्रमण भेटिएको यो पहिलो घटना हो।
वि.सं.२०७७ जेठ ३ शनिवार १५:४९ मा प्रकाशित
