दाङ । दाङका घोराही, तुलसीपुर र लमही क्षेत्रका बैंक तथा वित्तीय संस्थाहरु खुल्ने समय र बार निर्धारण गरिएको छ । जिल्ला सुरक्षा समितिको बैठकले घोराही, तुलसीपुर र लमहीका बैंक तथा वित्तीय संस्थाहरु खुल्ने बार र समय तोकेको हो ।
जसअनुसार घोराही र लमहीमा साताको दुई दिन सोमबार र बिहीबार बिहान १० देखि दिउँसो २ बजेसम्म खुल्न दिने निर्णय भएको हो ।त्यसैगरी, तुलसीपुरका बैंकहरुलाई आइतबार, मंगलबार र बिहीबार बिहान १० देखि दिउँसो २ बजेसम्म खोल्न दिइने निर्णय भएको जिल्ला प्रशासन कार्यालय दाङले जनाएको छ ।
कोरोना संक्रमण रोकथामका लागि चालिएका सावधानीलाई अनिवार्य पालना गर्दै सेवा लिन र सेवा दिनसमेत समितिले आग्रह गरेको छ । साथै बैंक तथा वित्तीय संस्थाहरुलाई भिड हुन नदिन र भौतिक दूरी कायम गर्ने विषयमा बैंक तथा सेवाग्राहीलाई आग्रह गरिएको हो ।
यसअघि दाङमा खाद्यान्न र निर्माण सामग्री खरिदका लागि पनि बार र समय निर्धारण भइसकेको छ ।
वि.सं.२०७७ जेठ ५ सोमवार १२:३६ मा प्रकाशित