काठमाडौं । लोक सेवा आयोगले एक अत्यन्त जरुरी सूचना निकालेको छ । आयोगले अन्तर्वार्ताका लागि पीसीआर परीक्षणको रिपोर्ट अनिवार्य गराएको सम्वन्धी सूचना निकालेको हो ।
२ असारबाट हुन लागेको राजपत्रांकित प्रथम श्रेणी, सहसचिव वा सो सरहको पदका लागि अन्तर्वार्ता दिन आउने उम्मेद्वारलाई पीसीआर रिपोर्ट अनिवार्य गरिएको सूचनामा उल्लेख छ ।
सूचनमा मामिला प्रस्तुतिकरण तथा अन्तर्वार्ता कार्यक्रममा सहभागी हुने उम्मेद्वारमध्ये काठमाडौं उपत्यकाबाहिर कार्यरत रहेका वा काम विशेषले लकडाउन अवधिमा उपत्यकाबाहिर गई आएकाले अन्तर्वार्ता अगावै आफ्नो कोभिड–१९ पीसीआर परीक्षण गराई त्यसको सक्कल रिपोर्ट आयोगको केन्द्रीय कार्यालयको अन्तर्वार्ता तथा सिफारिस शाखामा अनिवार्य बुझाउन भनिएको छ ।
१९ जेठमा आयोगले विभिन्न सेवाका राजपत्रांकित प्रथम श्रेणी, सहसचिव वा सो सरह (प्राविधिक र प्राविधिक) विभिन्न पदका विज्ञापनको द्वितीय चरणका परीक्षा एवं अन्तर्वार्ता कार्यक्रमको नयाँ कार्यतालिका सार्वजनिक गरेको थियो ।
हेर्नुहोस् सूचना :
वि.सं.२०७७ जेठ २० मंगलवार १५:४२ मा प्रकाशित
