एजेन्सी । चीनको राजधानी बेइजिङमा कोरोना संक्रमितको संख्या दिनहुँ बढिरहेको छ। पछिल्लो २४ घण्टामा देशभर भेटिएका ४९ मध्ये बेइजिङमा मात्रै ३६ जना संक्रमित भेटिएका छन्।
बेइजिङका थोक बजारबाट फेरि संक्रमण फैलिरहेको घटना अघिल्लो साता नै सार्वजनिक भएको थियो। बेइजिङको हेडियान इलाकामा रहेको थोक बजारमा रहेका मानिसहरु संक्रमित रहेको पाइएपछि त्यहाँको बजार बन्द गरिएको छ ।
विश्वमा कोरोना महामारीको दोस्रो लहर सुरू वरपरका १० वटा क्षेत्रमा लकडाउन घोषणा गरिएको छ । संक्रमण भए/नभएको थाहा पाउन हजारौं मानिसहरुको स्वास्थ्य परीक्षण गर्न थालिएको छ।
गत डिसेम्बरमा कोरोना महामारीको शुरुवात चीनबाटै भएको थियो। निरन्तरको प्रयासपछि चीनले महामारी लगभग नियन्त्रणमा लिएको दावी गरेको थियो। तर बेइजिङमा पछिल्लो सातादेखि फेरि संक्रमितहरु फेला पर्न थालेका हुन्।
नियन्त्रणमा आएर पनि फेरि संक्रमण फैलिएपछि चीनमा कोरोनाको दोस्रो लहर सुरु भएको देखिएको छ। चीनमा हालसम्म ८४ हजार ३३५ जना संक्रमित भेटिएका छन्। भेटिएकामध्ये ४ हजार ६३८ जना संक्रमितको मृत्यु भइसकेको छ।
वि.सं.२०७७ असार १ सोमवार १०:४९ मा प्रकाशित
