काठमाडौं । सरकारले सर्लाही, रौतहट, कपिलवस्तु र दैलेख गरि ४ जिल्लालाई कोरोना ‘हटस्पट’का रुपमा राखेको छ । कोरोना संक्रमणको उच्च जोखिममा रहेका यि जिल्लामा अत्यावश्यक बाहेकका सबै सेवा बन्द गर्ने निर्णय गरेको छ ।
गृह मन्त्रालयले यी ४ जिल्लामा अत्यावश्यक सेवाबाहेक सार्वजनिक, निजी तथा गैरसरकारी संघसंस्थाबाट हुने काम कारबाही अर्को निर्णय नभएसम्मका लागि सुचारु नगर्न पनि निर्देशन दिएको गृह मन्त्रालयका प्रवक्ता केदारनाथ शर्माले बताए ।
मंगलबारसम्म देशभर कोरोना संक्रमितको संख्या ६ हजार ५ सय ९३ रहेकोमा उच्च जोखिममा रहेका जिल्लामा दैनिक संक्रमितको संख्या बढ्दो क्रममा छ ।
उच्च जोखिममा रहेका ४ बाहेक उपत्यकासहित ७३ जिल्लामा भने लकडाउन खुकुलो बनाउँदै सोमबारबाट सार्वजनिक, निजी र गैरसरकारी संघसंस्थाबाट सेवा सुरु भइसकेका छन् । –साझा पोष्टबाट
वि.सं.२०७७ असार २ मंगलवार १७:२० मा प्रकाशित