कास्की । पोखराबाट जुवातास खेलिरहेको अवस्थामा प्रहरीले ८ जनालाई पक्राउ गरेको छ । पोखरा महानगरपालिका–६ लेकसाइडस्थित टंकराज अधिकारीको सेन्टर लेक होटलबाट बुधबार दिउँसो प्रहरीले ८ जनालाई पक्राउ गरेको हो ।
पोखरा–६ बैदाम बस्ने ६१ वर्षीय बीर बहादुर लामिछाने लगायत ८ जनालाई नगद १९ हजार ३ सय २० रुपैयाँ सहित पक्राउ गरेको प्रहरीले जनाएको छ ।
होटलमा जुवातास खेलिरहेको भन्ने सूचनाका आधारमा वडा प्रहरी कार्यालय बैदामबाट खटिएको प्रहरीले उनीहरुलाई पक्राउ गरेको हो । घटनाका विषयमा आवश्यक अनुसन्धान भइरहेको प्रहरीले जनाएको छ ।
वि.सं.२०७७ असार ४ बिहीवार १३:१४ मा प्रकाशित
