काठमाडौं । पोजिटिभ सर्किट होनेर कारोबार खुलेको १० मिनेटमै नेप्सेले दोस्रो सर्किट हानेको छ । बजारमा उत्साहपूर्ण कारोबार र सेयरमा लगानीकर्ताको आकर्षणले नेप्से परिसूचक ५.०४ प्रतिशतले बढेपछि दोस्रो सर्किट भएको हो । १२ बजेर १७ मिनेटमा बजार रोकिएको हो ।
डेढ महिनापछि खुलेको सेयर बजारले पहिलो दिन नेगेटिभ सर्किट हानेकामा दोस्रो दिन दुईपटक पोजिटिभ सर्किट भइसकेको छ । दोस्रो सर्किटपछि कारोबार ४० मिनेटका लागि रोकिएको छ । मंगलबारको कारोबार सुरु भएयता नेप्से ५९.८७ अंकले बढेर १२४८.५७ अंकमा पुगेको छ ।
बजारमा १८ करोड ८१ लाख रुपैयाँबराबरको कारोबार भइसकेको छ । कारोबार सुरु भएको १ घण्टाभित्रमा नेप्से परिसूचक ४ प्रतिशतले घटबढ हुँदा २० मिनेटका लागि कारोबार स्थगित हुन्छ ।
त्यस्तै कारोबार सुरु भएको दुई घण्टाभित्रमा नेप्से परिसूचक ५ प्रतिशतले घटबढ हुँदा ३० मिनेटका लागि कारोबार स्थगित हुन्छ । त्यसपछि ६ प्रतिशतले नेप्से परिसूचक घटबढ भए पुरै दिनका लागि कारोबार स्थगित हुने व्यवस्था रहेको छ ।
वि.सं.२०७७ असार १६ मंगलवार १२:२० मा प्रकाशित