काठमाडौं । साताको अन्तिम कारोबार दिन नेप्से परिसूचक २ दशमलव ८४ अंकले माथि उक्लिएको छ । कारोबारको एक घण्टामा नेप्से परिसूचक शून्य दशमलव २० प्रतिशत बढेर १ हजार ४३४ दशमलव ३६ विन्दुमा पुगेको हो ।
उक्त अवधिमा ठूला कम्पनीहरुको कारोबार मापक सेन्सेटिभ इन्डेक्स शून्य दशमलव १६ प्रतिशत बढेर ३०० दशमलव ९६ विन्दुमा पुगेको छ । उक्त अवधिसम्म १६४ ओटा कम्पनीको ५ हजार २२ पटकको व्यापारमा २९ करोड २९ लाख २१ हजार बराबरको शेयर कारोबार भएको छ ।
बिहीवार पनि कुल कारोबारको सबैभन्दा बढी हिस्सा नेपाल पुनर्बीमा कम्पनीले ओगटेको छ । उक्त कम्पनीको प्रतिकित्ता रू. ५९९ मा रू. ११ करोड ११ लाख ६ हजार बराबरको शेयर कारोबार भएको हो ।
वि.सं.२०७७ साउन १५ बिहीवार १२:०५ मा प्रकाशित